"Асыл Мирас" аутизмі бар балаларды қолдау орталығының " ұжымы барлық әйелдерді 8 наурыз Халықаралық әйелдер күнімен құттықтайды! Сізге және жақындарыңызға көктемгі көңіл-күй, отбасылық бақыт, амандық, денсаулық тілейміз. Әрқашан әдемі және сүйікті болыңыз!

АСБ бар баланың өзіне-өзі қызмет көрсете алуы өте маңызды. Әдетте, бала ата-анасына назар аудара отырып, оларға еліктей бастайды (немесе олардың іс-қимылдарын қайталайды). Мысалы, үйге келгеннен кейін қолын жуады, сорпаны жеу үшін қасықты қолданады, киімді шкафтың ішіне салады. Бірақ AСБ бар бала жоғарыда аталған дағдыларды үйрену барысында қиындықтарға тап болады. Сондықтан да оған ата-анасының қолдауы мен көмегі қажет. Мысалы, егер бала қолдарын қалай жуу керектігін білмесе, оны табиғи жағдайда үйретуге болады: "Сен печенье жейсің бе? Алдымен қолдарыңды жуайық!» "Сен қолдарыңды бояумен былғадың ба? Қолдарыңды жууға барайық!» Бала қолын жууға барғанда, ата-анасы дұрыс көмек көрсетіп, рет пен жүйелілікті сақтауы керек. Есіңізде болсын, бала ең алдымен келесі дағдыларды үйренуі керек: киіну (футболка, шалбар, шұлық), тамақ ішу (қасықты қолдану, стаканнан ішу), гигиенаны сақтау (қолды жуу, тіс тазалау) және дәретханаға бару.

Сіздің балаңыздың ойын деңгейі қандай? Ойын баланың дамуы үшін маңызды процесс. Ойын барысында зейіні, есте сақтау, сөйлеу, ойлау қабілеті жақсарады. Баламен ойнаған кезде ата-аналар ойынды қадағалау керек, яғни ойынның одан әрі дамуын білуі қажет. Сондықтан балаңыздың ойын деңгейін білу маңызды. Сонда бала өзін жайлы, сенімді сезінеді және құмарлықпен ойнайды. Мұның бәрін біз оның деңгейінде ойнай отырып, дұрыс ойын арқылы ғана жүзеге асыра аламыз. Ойын деңгейлері: қарапайым, процедуралық, сюжеттік және сюжетті-рөлдік болып бөлінеді. Қарапайым ойын деңгейі: бала көлікті жүргізеді, конструкторды, пирамиданы бөлшектейді, допты домалатады. Процедуралық ойын деңгейі: бала мұнаралар құрастырады, кесеге қасық салады, адамдарды үйге орналастырады. Сюжеттік ойын деңгейі: бала өзін қасықпен тамақтандырады,шыныаяқтан ішеді және т. Б Сюжетті-рөлдік ойын: бала өмірден алынған рөл атқара алады, мысалы, дәрігердің,әкенің, өрмекші адамның рөлі. Енді сіз балаңыздың ойын деңгейін анықтай аласыз. Баланың ойын деңгейіне сәйкес сюжет құру арқылы, біртіндеп қиындату және ойынның келесі деңгейіне өту керек болады.

Отбасы - бұл әр отбасы мүшесі белгілі рөлдерді орындайтын, онда өз орнын алатын маңызды орта болып табылады. Бұрындары әкелер отбасын материалды тұрғыда қамтамасыз етумен айналысса, аналар үйде жайлылық пен жылулық орнатып, балаларды тәрбиелеумен айналысқан. Бірақ қазіргі таңда баланың тәрбиесіне тек аналар ғана емес, әкелер де белсене қатысады. Біздің «Ерте қолдау» бағдарламамызда бала бізбен де, анасымен де жұмыс істегісі келмеді. Біз сабақ процесіне әкесін тартуды шештік. Сыныпта әке баламен белсенді ойнап, сабақ процесіне қосылғаннан бастап баланың мінез-құлқы жақсы жаққа өзгере бастады: - ойыншықтарға қызығушылық танытты; - басқа балалармен ынтымақтаса бастады; - ойыншықтармен бөлісе бастады; - өз кезегің күтуді үйренді; - сабаққа қызығушылықпен келе бастады; – ым-ишара түрінде қалаған заттарды сұрай бастады. Әкенің қолдауы мен ілтипаты балаға қатты әсер етті. Осыдан кейін баланың мінез-құлқы тек біздің сабақтарда ғана емес, ата-аналар атап өткендей үйде де жақсарды.

"Әлеуметтік дағдылар" бағдарламасында 5 жастан асқан балалар көмек алады. Баламен жұмыс топта жүргізіледі (4 бала және 2 педагог). "Әлеуметтік дағдылар" бағдарламасының басты мақсаты: бірлескен ойын әрекеті негізінде АСБ бар балаларда әлеуметтік дағдыларды дамыту. Әлеуметтік дағдыларды меңгеру- басқалармен қарым-қатынас жасай білу дегенді білдіреді. Бағдарлама келесі дағдыларды дамытады: * Әлеуметтік өзара әрекеттесу дағдылары (көзге қарау, бірінші болып сәлемдесу, басқа құрдастарына жауап беру); * Ойын дағдылары (үстел үстіндегі рөлдік ойындарды ойнау, құрдастарымен ойнау); * Топтағы мінез-құлық (топта сабырлы болу, мұғалімнің жалпы нұсқауларын тыңдау).

"Оқыту дағдыларын дамыту" бағдарламасында 3 жастан 10 жасқа дейінгі балалар көмек алады. Әр баламен жұмыс жеке жүргізіледі. Бұл бағдарламаның мақсаты балалардың оқу және сөйлеу дағдыларын дамыту, сондай-ақ ата-аналарды оқу процесіне тарту болып табылады. Бағдарлама келесі дағдыларды дамытуға бағытталған: - ынтымақтастық дағдылары; - көрнекі дағдылар; - сөйлеуді қабылдау және түсіну дағдылары; - іс-қимылды қайталау дағдылары; - сұрау дағдылары; - интровербалды реакция дағдылары; - академиялық дағдылар (оқу, математика, жазу).

"Өмірлік дағдылар" бағдарламасында 5 жастан асқан АСБ балалар көмек алады. Баламен жұмыс ата-ананың қатысуымен жеке жүргізіледі. "Өмірлік дағдылар" бағдарламасының мақсаты: балаға өзіне-өзі қызмет көрсету дағдыларын үйрету. Көптеген ата-аналар академиялық дағдыларды қалыптастыруға назар аударады (оқу, жазу, математика). Бірақ өзін-өзі күту дағдысы ретінде өмірлік-маңызды дағдыларды игеру АСБ бар бала үшін өте маңызды болып табылады. Ол қоғамдық орындарда өзін жайлы және табысты сезінетін болады. Бағдарлама келесі дағдыларды дамытады: • Киіну; • Тамақтану; • Ұқыптылық (жеке гигиена); • Ұқыптылық (дәретхана).

"Сөйлеу дағдыларын дамыту" бағдарламасында 3 жастан асқан балалар көмек алады. Баламен жұмыс ата-ананың қатысуымен жеке жүргізіледі. "Сөйлеу дағдыларын дамыту" бағдарламасының басты мақсаты- бірлескен ойын арқылы АСБ бар балалардың сөйлеу дағдыларын дамыту. Баланың дамуында- ойын маңызды құрал болып табылады. Баламен дұрыс ойын жүргізу арқылы- ынтымақтастық, сөйлеу сияқты дағдыларды дамытуға болады. Мұндай дағдыларды дамыту сіздің балаңызға басқа балалармен ойнауға және қоғамда әлеуметтенуге көмектеседі. Бағдарлама келесі дағдыларды дамытады: • сөйлеу дағдыларын • бірлескен зейін дағдыларын • сұрау дағдыларын • ойын дағдыларын.

"Ерте қолдау" бағдарламасында 0-3 жас аралығындағы АСБ бар балалар көмек алады. Баламен жұмыс топта жүргізіледі (3 бала және 3 ата-ана, 2 педагог). "Ерте қолдау" бағдарламасының басты мақсаты: ата-ананы баласымен қарым-қатынас жасауға үйрету. Көптеген ата-аналар АСБ бар балаларымен қарым-қатынас жасауда қиындықтарға тап болады. Егер сіз баламен ертерек жұмыс жасай бастасаңыз, онда сіз оған қажетті дағдыларды қалыптастыра аласыз. Осылайша, оның балабақшаға бару, құрдастарының арасына бейімделу мүмкіндігі жоғары болады. Бағдарлама келесі дағдыларды дамытады: • анамен, құрдастарымен қарым-қатынасты • атқа жауап беруді, көз контактісін, • ойын дағдыларын, эмоцияларын • бірлескен ойынды.

2022 жылдың 26-27 желтоқсанда "Асыл Мирас" аутизм орталығында жаңа жылдық ертеңгіліктер өткізілді. Аяз Ата, Ақшақар және ертегі кейіпкерлері балаларды ойындар мен билерге баулады. Педагогикалық ұжым, ата-аналар "Болат Өтемұратов Қоры" ЖҚ-ға жаңа жылдық костюмдер мен әр балаға арналған сыйлықтар үшін зор алғыстарын білдіреді.