АСБ бар балалар мен олардың отбасыларына қолдау көрсету үшін 2015 жылы АҚШ-тың жетекші Аутизм орталықтарының жұмысын негізге ала отырып дәлелденген технологияларды, терапияларды, әдістерді қолдана отырып "Болат Өтемұратов Қоры" жеке қоры "Аутизм. Баршамызға бір әлем» бағдарламасын әзірледі.
Бұл бағдарлама АСБ бар балаларға көмек көрсетудің тиімді әдістемелерін зерттеуге және оларды Қазақстанда енгізуге бағытталған. Негізгі міндет — АСБ ерте кезеңде анықтау, балаларды әлеуметтендіру, олардың бастапқы қажетті дағдыларын дамыту. "Аутизм. Баршамызға бір әлем" атты бағдарламасы шеңберінде Болат Өтемұратов қоры Қазақстанның сегіз қаласында Алматы қ., Қызылорда қ., Өскемен қ., Ақтөбе қ., Орал қ., Шымкент қ., Петропавл қ. және Нұр-сұлтан қ. "Асыл Мирас" атты Аутизм орталықтарын құрды.
Нұр-сұлтан қаласындағы орталық 2015 жылы құрылды, бес жыл ішінде 1100 балаға арнайы көмек көрсетілді. Астаналық "Асыл Мирас" дәлелденген әлемдік тәжірибелер негізінде балалардың әлеуметтік бейімделуі мен өмірлік дағдыларын дамытуға тегін және тиімді көмек беретін жалғыз орталық ретінде АСБ бар балалардың ата-аналары арасында кеңінен танымал болды. Барлық орталықтардың бірыңғай құрылымы және бірыңғай әдістемелік базасы бар. Жұмыс барысында Калифорния университеті мен Атлантадағы Marcus Autism Center әзірлеген бағдарламалар қолданылады.
"Асыл Мирас" Аутизм орталықтары қызметінің негізгі бағыты- АСБ бар балалар мен олардың отбасыларына арнайы бағдарламалар бойынша психологиялық-педагогикалық көмек көрсету болып табылады:
- «Ерте қолдау» бағдарламасы
- «Оқыту дағдыларын дамыту» бағдарламасы
- «Өмірлік дағдыларды дамыту» бағдарламасы
- «Әлеуметтік дағдыларды дамыту» бағдарламасы
- «Jasper» бағдарламасы
Орталық мамандары ата-аналарды оқыту семинарларына белсенді түрде қатыстырады. Оқыту семинарлары ата-аналарды 100% қамти отырып өткізіледі. Ата-аналарды оқытудың басты мақсаты - ата-аналарға өз баласымен жұмыс жасай білуге, баланың әлеуметтік дағдыларын дамытуға үйрету. Нұр-Сұлтан қаласының әкімдігі мен Болат Өтемұратов Қоры арасындағы ынтымақтастық туралы келісім негізінде "Асыл Мирас" Аутизм орталығы Нұр-Сұлтан қаласының білім басқармасына №5 ППТК КММ түрінде берілді.
"Жыл басында біз Нұр-Сұлтан қаласының әкімдігімен ынтымақтастық және "Асыл Мирас" Аутизм орталығын дамыту туралы келісім жасадық. Бұл ретте Шымкент қаласының, Ақтөбе және Солтүстік Қазақстан облыстарының әкімдіктерінің қолдауымен біздің орталықтар өз жұмыстарын табысты жүзеге асырып жатыр. Модель тұрақтылық сынағынан өтіп, өзінің тиімділігін көрсетті.",- дейді Болат Өтемұратов қорының директоры Марат Айтмағамбетов.
Мемлекет тарапынан Ш.Уәлиханов көшесі, 23/2 мекенжайы бойынша №5 ППТК КММ ғимараты бөлінді. Мекеме "Болат Өтемұратов Қоры" ЖҚ заманауи дизайнға сәйкес жиһазбен, ұйымдастыру техникасымен, оқу-әдістемелік материалдармен жабдықталған.
Болат Өтемұратов қоры "Асыл Мирас" Аутизм орталығының 22 адамнан тұратын ұжымы: орталық басшысы - 1, хатшы-менеджер - 1, 20 педагог мамандар - дефектолог, психолог 2020 жылдың 22 мамырынан бастап бекітілген штаттық кестеге сәйкес №5 ППТК КММ ауысты.
№5 "Асыл Мирас" ППТК бекітілген Жарғыға сәйкес жұмыс істейді және де Болат Өтемұратов Қорының " ЖҚ "Аутизм баршамызға бір әлем" бағдарламасын жүзеге асыруды жалғастырады.
