2025 жылдың сәуір айында тағайындалған Болат Өтемұратов Қорының жаңа директоры Айнұр Бағдатқызы Қарбозова орталығымызға келіп, орталықтың жұмыс жүйесімен және мамандарымен танысты. Сапар барысында орталықтың қызмет көрсету бағыттарын, негізгі жобаларын, сонымен қатар алдағы уақытқа жоспарланған бастамаларды талқылады.

 Кездесу барысында Айнұр Бағдатқызы қордың әлеуметтік бағыттағы жұмыстарын одан әрі дамытуға, білім беру саласына бағытталған жобаларды қолдауға мүдделі екенін атап өтті.

 Орталық ұжымы өз тарапынан атқарылып жатқан жұмыстар туралы жан-жақты мәлімет беріп, тәжірибесімен бөлісті. Қор директоры мамандардың кәсібилігін жоғары бағалап, болашақта тиімді ынтымақтастықты жалғастыруға ниетті екенін білдірді.

Астана қаласы әкімдігінің № 1 «Асыл Мирас» аутизмі бар балаларды қолдау орталығы” № 83 мектеп гимназиясы базасында, әдістемелік орталығы мен ПМПК № 4 бірлесе отырып «АСБ бар балалармен психологиялық-педагогикалық жұмыстың ерекшеліктері» атты қалалық семинар өткізді. «Асыл Мирас» аутизм орталығының мамандары пленарлық отырыста АСБ бар балалардың даму ерекшеліктері туралы, олардың базалық дағдыдарының даму деңгейін анықтау және сүйемелдеу әдіс-тәсілдері туралы теориялық және практикалық жұмыстарымен таныстырды

Қазақстан Республикасының Оқу-ағарту министрі алғаш рет Арнайы білім беру ұйымдарының басшыларымен кездесу өткізді. Кездесу барысында министр ерекше білімді қажет ететін балалардың сапалы білім алуына, әлеуметтік ортаға бейімделуіне және жан-жақты дамуына қолайлы жағдай жасау мәселелеріне тоқталды.

 Министрдің айтуынша, инклюзивті білім беруді дамыту – білім саласындағы басты бағыттардың бірі. Осы мақсатта арнайы білім беру мекемелерінің материалдық-техникалық базасын нығайту, педагогтердің біліктілігін арттыру және ата-аналармен тығыз байланыс орнату маңызды.

 Кездесу барысында өңірлерден келген ұйым басшылары өз тәжірибелерімен бөлісіп, ерекше балаларды қолдауға бағытталған бастамалар мен проблемаларды талқылады. Министр барлық ұсыныстарды мұқият тыңдап, жүйелі өзгерістер енгізу үшін нақты қадамдар жасалатынын жеткізді.

 Орталық басшысы А.С. Абиева «Аутизмі бар балаларға арналған орталықтардағы арнайы психологиялық-педагогикалық қолдау» тақырыбында баяндама жасады.

 Кездесу соңында министр кәсіби қызметте жоғары нәтижелерге қол жеткізген педагогтерге ведомствалық марапаттар табыс етті.

 Орталығымыздың әдіскері Карлыгаш Шалкаровна Жагипарова “Еңбек ардагері” медальімен марапатталды.

2 сәуір - Дүниежүзілік аутизм туралы ақпарат тарату күніне орый Асыл мирас аутизм орталығы «Ашық есік күнін» өткізді🫂

Келген қонақтарын күтіп алып, орталықпен таныстырды. Орталықтың мамандары өзінің тәжірибелері мен білімдерімен асыға бөлісті😍

 

Жаңа жыл балалар үшін – ертегі мен ғажайыптар кезеңі. Балалар мерекеде көптен күткен қонақтарды – Аяз Ата мен Ақшақарды қуанышпен қарсы алды.🎄🎅🏼 Мереке өте көңілді өтті. 🤩 Ертеңгілік соңында Аяз Ата мен Ақшақар балаларға сыйлықтар тарту етті.🎁🎁🎁

   Біздің әріптестеріміз Қалалық  әдістемелік орталықпен біріккен мектепке дейінгі білім беру ұйымдарының арнайы мамандарына арналған қалалық семинар-практикумына катысты.  Асыл Мирас мамандары "АСБ бар балалардың жағымсыз мінез-кұлкы және жұмыс жасау жолдары" тақырыбында мастер-класс өткізіп, тәжірибелерімен бөлісті.

IV Ұлттық құрылтай отырысында Қазақстан Президенті Қасым-Жомарт Тоқаев ерекше қажеттіліктері бар әрбір балаға толыққанды білім алу үшін тең мүмкіндіктер беру маңызды екенін атап өтті. Бұл жай ғана құқық емес, әр баланың табысты және бақытты болашағының негізі.

 

 

Осыған байланысты, ерекше қажеттіліктері бар балаларды кешенді қолдауды қамтамасыз ететін жаңа Заң әзірлеу туралы шешім қабылданды. Бұл заң қолжетімді білім беру ортасын құруға, оқыту сапасын жақсартуға және барлық балаларды әлеуметтендіруге бағытталады

Ардақты аналар, сіздерді халықаралық әйелдер күнімен құттықтаймыз! Сіздерге зор денсаулық, ашық аспан және сәттілік тілейміз! «Асыл Мирас» Аутизм орталығының балалары өздерінің аналарын құттықтауға асығып, кішігірім тосын сый дайындады🥰